İcraçı direktor

“Xətai-7” MMC Bakı şəhəri, Xətai rayonu, Ceyhun Həsənov küçəsi 4A ünvanında yerləşən yaşayış kompleksinin idarəetmə işlərini həyata keçirir. Şirkətimiz kompleksin gündəlik operativ idarə olunması, texniki və təsərrüfat proseslərinin təşkili, əmlakın təhlükəsiz və dayanıqlı istismarının təminatı, işçi heyətinin koordinasiyası, sakinlər ilə əlaqələrin qurulması, debitor borcların idarə edilməsi və İdarə Heyətinin tapşırıqlarının icrasına nəzarət edəcək peşəkar İcraçı direktor vəzifəsinə vakansiya elan edir.

İş yeri: Bakı şəhəri, Xətai rayonu, Ceyhun Həsənov küçəsi 4A (ofis).
İş rejimi: Tam ştat, əsas iş yeri.
İş qrafiki: Həftədə 6 iş günü, tam iş günü.
Xalis aylıq əmək haqqı: 1500 AZN.

Maraqlanan şəxslərdən CV-lərini [email protected] elektron poçt ünvanına göndərmələri xahiş olunur.

- İdarə Heyəti tərəfindən verilən tapşırıqların və qəbul edilmiş qərarların vaxtında icrasına nəzarət etmək;
- Yaşayış kompleksinin cari əməliyyat idarəçiliyini həyata keçirmək;
- Elektrik yarımstansiyası, qazanxana, nasosxana, yanğın əleyhinə sistemlər, lift təsərrüfatı və su anbarları kimi mühəndis kommunikasiya qurğularının fasiləsiz və təhlükəsiz istismarını təmin etmək;
- Kompleksin ümumi əmlakının qorunması, istismarı və saxlanılmasına nəzarət etmək;
- Əsaslı və cari təmir-tikinti işlərinin təşkili və planlaşdırılmasını icra etmək;
- Xidmət göstərən podratçı təşkilatların işinə nəzarət və koordinasiyanı təmin etmək;
- Anbar uçotunun aparılması, inventarlaşdırma və satınalma proseslərini idarə etmək;
- İşçi heyətin fəaliyyətini əlaqələndirmək, habelə əmək və icra intizamına nəzarəti həyata keçirmək;
- Sakinlərdən daxil olan şikayət, təklif və müraciətlərin operativ araşdırılmasını təşkil etmək;
- Debitor borcların uçotunun aparılması və onların toplanması istiqamətində tədbirlər görmək;
- Giriş-çıxış kodları, lift kartları və digər texniki təhlükəsizlik vasitələrinin tətbiqinə nəzarət etmək;
- Kommunal xidmət qurumları, dövlət orqanları və digər tərəfdaşlarla səmərəli işgüzar münasibətləri qurmaq;
- Rəsmi yazışmaların, məktubların və ərizələrin hazırlanması və rəsmiləşdirilməsini koordinasiya etmək;
- Video nəzarət sisteminin işini izləmək, zərurət olduqda arxiv görüntülərini yoxlamaq, seçmək və təhlükəsiz saxlanılmasını təmin etmək;
- Yanğın təhlükəsizliyi qaydalarına riayət olunmasına cavabdeh şəxs qismində çıxış etmək;
- İdarə Heyətinə mütəmadi olaraq (aylıq, rüblük və illik) hesabatlar hazırlayıb təqdim etmək.

• İdarəetmə, mühəndislik, iqtisadiyyat, hüquq və ya müvafiq sahələr üzrə ali təhsil;
• İdarəetmə sahəsində ən azı 5 illik peşəkar təcrübə;
• Rəhbər vəzifələrdə minimum 3 illik iş təcrübəsi;
• Yaşayış kompleksləri, MTK, MMMC və ya kommersiya daşınmaz əmlak obyektlərinin idarə edilməsi sahəsində təcrübənin olması arzuolunandır;
• Azərbaycan Respublikasının mülki, mənzil, əmək və inzibati qanunvericilik bazası haqqında biliklər;
• Texniki təsərrüfatın idarə edilməsi sahəsində bilik və bacarıqlar;
• Satınalma prosesləri, müqavilələrin tənzimlənməsi və podratçı şirkətlərlə səmərəli işləmək qabiliyyəti;
• Kompüter savadlılığı (MS Office proqramları, elektron sənəd dövriyyəsi və dövlət elektron xidmətlərindən istifadə bacarığı);
• Analitik təhlil, təşkilatçılıq və çevik qərarvermə qabiliyyəti;
• Yüksək səviyyəli ünsiyyət və komanda idarəetməsi bacarıqları;
• Məsuliyyət, şəffaflıq və təşəbbüskarlıq keyfiyyətləri.

Üstünlük hesab olunan meyarlar:

• MMMC, MTK və ya yaşayış komplekslərinin idarə edilməsi üzrə iş təcrübəsi;
• Mühəndis-kommunikasiya sistemlərinin istismarı üzrə təcrübə;
• Debitor borcların idarə edilməsi və sakinlərlə işgüzar münasibətlərin qurulması bacarığı;
• Dövlət qurumları ilə kommunikasiya və rəsmi yazışmaların aparılması təcrübəsi;
• Əməyin mühafizəsi və yanğın təhlükəsizliyi qaydaları haqqında biliklər;
• Texniki xidmət və podratçıların idarə olunması üzrə praktiki təcrübə.