Logo Operatoru ( Outsource )

Əsas vəzifə öhdəlikləri

- LOGO ERP sistemində məlumatların daxil edilməsi, onların doğruluğuna və tamlığına nəzarət edilməsi.
- Anbar, satınalma, maliyyə və mühasibatlıq departamentləri ilə əməkdaşlıq şəraitində fəaliyyət göstərmək.
- Rəhbərliyin verdiyi tapşırıqları təyin olunmuş müddətdə və yüksək keyfiyyətlə icra etmək.
- İş axınlarına tam yiyələndikdən və müstəqil idarəetmə bacarığı formalaşdıqdan sonra əlavə funksional öhdəliklərin yerinə yetirilməsi nəzərdə tutulur.

Namizədə dair tələblər

- İqtisadiyyat, Maliyyə, Mühasibatlıq və ya müvafiq sahələr üzrə ali və ya orta ixtisas təhsili.
- LOGO ERP proqramı, bank əməliyyatları və elektron qaimə-fakturaların hazırlanması sahəsində ən azı 3 illik peşəkar təcrübə.
- MS Excel proqramında işləmək bacarığı arzuolunandır.
- Analitik düşünmə qabiliyyəti, yüksək məsuliyyət hissi, diqqətlilik və komanda daxilində səmərəli işləmək bacarığı.

İş şərtləri

- İş qrafiki: 5 günlük iş həftəsi, 09:00 - 18:00.
- Əmək qanunvericiliyinə müvafiq rəsmi qeydiyyat.
- Karyera yüksəlişi, peşəkar inkişaf və əlavə vəzifə funksiyaları üzrə perspektivlər.
- Əmək haqqı namizədin bilik və bacarıqları əsasında müsahibə zamanı razılaşdırılacaq.

Ünvan:

Ziya Bünyadov prospekti 13

Müraciət qaydası:

Maraqlanan namizədlərdən CV-lərini mövzu yerinə “Logo Operatoru” qeyd etməklə [email protected] elektron ünvanına göndərmələri xahiş olunur.

Elektron qaimələrin idarə olunması

- Təqdim olunan elektron qaimələrin LOGO ERP sistemindəki mədaxil qəbzləri ilə uyğunluğunun yoxlanılması.

- Mədaxil sənədləri mövcud olduqda fakturalaşdırma prosesinin icrası.

- Elektron qaimə-fakturaların vergi orqanlarının sistemində təsdiq edilməsi.

- LOGO ERP-də uyğun mədaxil qəbzi aşkar edilmədikdə, satınalma departamenti və müvafiq mühasiblərlə birgə araşdırma aparılması.

- Malların faktiki təhvili baş vermədikdə, elektron qaimənin düzəliş məqsədilə geri göndərilməsi və aidiyyəti şəxslərin xəbərdar edilməsi.

- Elektron qaimələrin işlənmə prosesinə düzgün və vaxtında nəzarət edilməsi.

Bank və ödəniş əməliyyatları

- Təsdiq edilmiş elektron qaimələr və müvafiq hesab-fakturalar əsasında bank ödənişlərinin icra olunması.

- Bank əməliyyatlarının və ödəniş tarixçəsinin LOGO ERP proqramında müntəzəm qeydiyyatı.

- Fakturalar üzrə ödənişlərin bağlanması və debitor-kreditor borclarının daim nəzarətdə saxlanılması.

- Elektron qaimə üzrə ödənilməmiş və ya qismən icra olunmuş borcların izlənilməsi.

- Günün sonunda bank hesablarındakı qalıqlar barədə rəhbərliyə mütəmadi hesabat verilməsi.